عبدالحميد سعيد يكتب : كلمة لهؤلاء

* فتوح : بضاعة أتلفها الهوي !

* إمام عاشور : جاسوس الننوس !

* چون إدوارد : بالراحة .. بلاش تاكل الطعم !

* وسام أبو علي : التقدير حتلاقيه في الزمالك .. وإسأل كل الفلسطينيين " اللي فلسطينيين بجد " !!

* الخبيث : هي ألمانيا إتغيرت ليه دلوقتي بفرنسا .. هي علاجها بقي وحش .. ولا علشان الأناكوندا ؟!

* كوهين أبو ودان : والله تصريحاتك بتوقعني من الضحك .. طيب بذمتك إنت مابتضحكش علي نفسك لما بتروح وتشوف اللي قلته !!

* نجيب ساويرس : كنت باراهن علي حاجة في دماغي لو تمت صفقة علاء من الجونة ومحمد إسماعيل من زد .. ودلوقتي إتأكدت إنك بتجهز أنسي لخلافة الخبيث في رئاسة الننوس فلازم ماتكونوش خاضعين !!

* زيزو وأبوه : أحيانا تكون التخمة متعبة أكثر من الجوع !!

* حسام عبد المجيد : ربنا بيحبك علشان كده بيكشفلك بلاوي أوضة لبس الننوس بدري جدا لعلك تفيق وتجدد للملكي وتتجنب ويلات ومؤامرات نجوم الوهم عندهم !

* ممدوح عباس : إحترنا .. مش عارفين وعدك بالصفقتين لسه ساري ولا كان عرض وإنتهي .. ولو ساري حيبقي الموسم ده ولا اللي جاي ولا اللي بعده ؟! .. يا عم إرحمنا وإعمل حاجة ده إنت مديون لنا بعشر سنوات عجاف محتاج تعوضهم بعشرين صفقة كبيرة !!

* هشام نصر : أمنتك أمانة تسكت خالص .. تصريحاتك بتصيبني بالقيء !!

* حسين لبيب : ما هذا الإختفاء الطويل .. لعل المانع " شر " 

* حامد حمدان : نحتاج لعشرين " فدائي " من نفس نوعيتك !

* شيكو بنزا : إسمك فيه الكثير من إسم شيكابالا .. وسمارك من سماره .. فهل تقترب مهاراتك من مهاراته ؟! .. لو نصفها فقط سنكون في منتهي السعادة !

* يانيك فيريرا : أي خدمة ياعم .. خلصناك من مصطفي شلبي .. بس معلش ماقدرناش نخلصك من الجزيري ودونجا .. حقك علينا .. إستحملهم ليناير حتي !

* بيراميدز : اللي بتعملوه ده بيأكد وساوسي إن الشوال لسه المالك الحقيقي من وراء الستار !!