تسريب خاطئ يشعل أجواء معسكر الزمالك.. والقباني يكشف الحقيقة

في حوار تلفزيوني مثير عبر قناة "MBC مصر 2"، فجّر الإعلامي مدحت شلبي مفاجأة بعدما سأل وائل القباني، نجم الزمالك السابق، عن وقوع مشادة داخل معسكر الفريق بين أحد نجوم الفريق وعضو في مجلس الإدارة.

وقال شلبي خلال اللقاء: "أنا عايز أسأل كابتن وائل القباني سؤال صعب هشوف هيجاوب ولا مش هيجاوب.. في معسكر الفريق حصل مشادة بين نجم الفريق وعضو مجلس الإدارة؟ ولو مش عايز تقول أسماء ماشي، بس إيه سبب المشادة؟"

القباني لم ينفِ الواقعة، بل أكد حدوثها، قائلاً: "على فكره الموضوع ده مخدش عشر ثواني على بعض.. تقريبًا القصة كلها إن في حد كان موصل معلومة غلط."

وعاد شلبي ليضغط عليه بالسؤال: "يعني هل كان في تسريبات؟ بمعنى حد من المجلس بيطلع حاجه غلط فالنجم ده زعل من كده؟"

ورد القباني مؤكدًا: "حاجة زي كده.. بس الموضوع كان واصل غلط بقولك، ومخدش عشر ثواني واتحل على طول على فكره."

وفي ختام الحديث، سأل شلبي مرة أخرى للتأكيد: "يعني ده حصل فعلًا؟!"، ليجيب القباني مباشرة: "آه.. ما أنا مش هكدب يعني."

واختتم شلبي بتعليق ساخر: "طالما أنا عرفت الموضوع يبقى حصل."

التصريحات سلطت الضوء على وجود بعض التوتر داخل معسكر الفريق في الفترة الأخيرة، لكنها في الوقت نفسه أظهرت قدرة الإدارة على احتواء الموقف بسرعة قبل أن يتفاقم، في ظل استعدادات الفريق للموسم الجديد.